Músíktilraunir eru ætlaðar ungu fólki á aldrinum 13-25 ára og Menningarfélagið hvetur hljómsveitir til að taka þátt. Þetta er flott reynsla og skemmtilegt ævintýri! Ef þú ert með hljómsveit en vantar æfingaaðstöðu þá viljum við hjálpa þér. Menningarfélagið hefur til útleigu aðstöðu að Eyrarlandi 1. Þar er hægt að leigja t.d. herbergi til æfinga gegn af vægu gjaldi, allt frá klukkutíma í senn til lengri tíma. Sjáið meira um það hér.

Menningarfélagið vill vara við því að sést hefur til trölla og hinna ýmsu kynjavera í húsakynnum félagsins. Það er þó talið að þessir áhugaverðu gestir séu pollrólegir og vita meinlausir þannig að engin hætta ætti að vera á ferð.

Við hjá Menningarfélagi Húnaþings vestra viljum þakka fyrir góðar viðtökur á árinu 2016 og hlökkum til að vinna að okkar markmiðum með ykkur á árinu 2017. Við gætum það ekki án ykkar og allra þeirra sem lagt hafa okkur lið. Þar má m.a. nefna alla þá sem hafa komið fram á viðburðum félagsins og þá sem hafa hjálpað til á bakvið tjöldin í þágu félagsins. Takk! Félagið hélt einmitt fjáröflunar-/jólatónleika 29. desember s.l. sem tókust vel upp.